Në industrinë e teknologjisë dhe produkteve dixhitale, në kohën e pandemisë globale të COVID-19 fituesi kryesor është shërbimi i famshëm i komunikimit me video dhe audio thirrje, Zoom, i cili së fundmi ka fituar shume popullaritet.
Lehtësia e përdorimit të Zoom-it, funksionet e shumta dhe niveli i shërbimit falas e kanë bërë atë një burim të pazëvendësueshëm për të gjitha ato takime zyrash që dikur ndodhnin në dhomat e konferencave, por edhe për mësuesit, shërbimet fetare, madje edhe qeveritë.
Përdorimi i përhapur, nga ana tjetër,ka terhequr vëmendjen e njerëzve lidhur me privatesine dhe praktikat e mbledhjes së të dhënave të Zoom-it.
Mirëpo, Zoom këtë javë bëri disa ndryshime në politikat e sigurise. “Zoom nuk i shet askujt përmbajtjen e klientit dhe nuk përdor atë për çfarëdo qëllimi reklamimi,” thekson kompania , një ndryshim i mirëpritur ky, gjithsesi.
