Ministria e Shëndetësisë dhe Mbrojtjes Sociale bën të ditur se nga testimet e 24 orëve të fundit janë konfirmuar 134 të prekur me virusin SARS-COV 2.
Duke informuar për situatën epidemiologjike në 24 orët e fundit, dr. Flutura Beqo nga Ministria e Shëndetësisë dhe Mbrojtjes Sociale deklaroi se “nuk është shënuar asnjë humbje jete në 24 orët e fundit, ndërsa numri i të shtruarve në spital vijon të jetë i qëndrueshëm”
“Aktualisht në spitalin Infektiv dhe “Shefqet Ndroqi” po trajtohen 186 pacientë, 16 në terapi intensive, nga të cilët 5 pacientë janë të intubuar. Vijojnë testimet dhe gjurmimi i rasteve të dyshuara në të gjithë vendin. Në 24 orët e fundit janë kryer 852 testime ku 100 qytetarë rezultojnë të shëruar duke e çuar në 7239 numrin e personave që e kanë mundur COVID-19.
Shpërndarja gjeografike e të konfirmuarve pozitivë është: 61 raste në Tiranë, 14 raste në Durrës, 10 raste në Elbasan, 9 raste në Shkodër, 7 raste në Fier, 5 raste në Korçë dhe Tropojë, 4 raste në Berat dhe Mat, 2 raste në Krujë, Vlorë, Mirditë, nga 1 rast në Lezhë, Has, Kavajë, Lushnjë, Kamëz, Pogradec, Malësi e Madhe, Bulqizë, Vorë.
Ministria e Shëndetësisë apelon qytetarët që të mos neglizhojnë shenjat e COVID-19 dhe në çdo rast kur kanë shenja të sëmundjes, të telefonojnë në numrin unik të Urgjencës Kombëtare 127. Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë mbi COVID-19.
COVID-19 – Statistika (24 shtator 2020)
Testime totale 83103
Raste pozitive 12921
Raste të shëruara 7239
Raste aktive 5312
Humbje jete 370 (qarku Tiranë 177, Durrës 46, Shkodër 40, Elbasan 24, Fier 19, Korçë 18, Lezhë 15, Kukës 10, Dibër 8, Vlorë 7, Gjirokastër 4, Berat 2).
Shpërndarja gjeografike e rasteve aktive sipas qarqeve:
Tiranë 2630
Durrës 576
Shkodër 380
Lezhë 302
Elbasan 300
Korçë 250
Fier 246
Vlorë 195
Kukës 154
Berat 108
Dibër 90
Gjirokastër 81
SQ 
EN 