Mali i Zi reklamoi vendin si një destinacion pushimesh, ku së shpejti, pandemia e koronavirusit nuk do të përbëjë më kërcënim dhe kryeministri deklaroi se në javët e ardhshme kombi i vogël i Adriatikut do të përgatitet për sezonin e turizmit.
“Mali i Zi është në rrugën për tu bërë një destinacion pa korona”, shkruajti në Twitter kryeministri, Dushko Markoviç.
Kohët e fundit, qeveria në Podgoricë njoftoi se pret që sezoni i pushimeve të fillojë më 1 korrik.
Ata presin që kryesisht pushuesit nga vendet fqinje të kthehen në Malin e Zi.
Ekspertët bënë propozime për mënyrën e zbatimit të rregullave distancuese të koronavirusit në plazhe dhe në komplekset hoteliere./ATA
