Histori Suksesi / Memetjon Beqo – Somelieri që solli traditën e verës italiane në qendër të Tiranës

0
250

Nga Fatima Gorezi

Memetjon Beqo është bashkëthemeluesi  i ‘’Fliari’’, një ‘wine bar’ i cili ndodhet brenda hapësirës së Kalasë së Tiranës. Një bar i veçantë dhe unik për degustimin e verës së mirë italiane dhe disa brandeve biologjike shqiptare.

Edhe pse ka studiuar për një fushë krejt ndryshe pasioni për verërat dhe njohja mbi to, e ka bërë të punoj prej disa vitesh si somelier. Edhe pse tradita shqiptare në prodhim dhe degustimin e verërave nuk e ka ndihmuar shumë, ai ka arritur të bëhet shijuesi më i mirë falë punës së tij, studimeve dhe talentit në përzgjedhjen e verërave në disa prej bareve më të mira në Itali.

‘’Star Buisness ‘’ sjell në këtë intervistë një copëz nga karriera e tij dhe filozofia e biznesit inovator që ai ka ngritur në Tiranë.

Si e kujtoni nisjen e karrierës suaj si somelier? Si u ngjiz pasioni për verërat?

Jam nisur për në Itali në vitin 2001 në Itali për studimet e shkollës së lartë, por gjithmonë kam bërë menaxherin, kamerierin  dhe kohët  e fundit jam specializuar në somelieri, kryesisht me verërat spumante, shampanjë dhe verërat e veriut të Italisë.  Automatikisht kur mu dha mundësia ta hapja një biznes të tillë  këtu tek Kalaja e Tiranës, pasi pashë ambientin mendova se do ishte ideale të hapja një bar klasik italian; si shërbimi me gota, me të paktën nja 15 shishe të hapura, si abinimi i ushqimit , vetëm pasi i përket degustimit  të verës. Ideja ime bazë ishte që të ishte venotekë dhe ‘wine bar’ dhe shitje me njëfarë zbritje për ata që e marrin me vete ose shitje direkt me shishe dhe degustimi i disa gotave. Gjithmonë kam qenë i apasionuar për lokalet dhe përkrahës studimeve në Itali gjithmonë kam punuar në bare të ndryshme, duke marr një eksperiencë të konsiderueshme.

5e119ca4 6144 4a8c a138 9f7d42a2716c - Histori Suksesi / Memetjon Beqo – Somelieri që solli traditën e verës italiane në qendër të Tiranës

Pas kësaj ideja ishte të hapja  lokalin tim dhe mendimet e mia ishin si ishte formula ideale që të hapja barin që doja, të punoja I qetë dhe të bëja atë që dija të bëja më mirë.

Më pëlqen të kem komunikim direkt e me klientë, të flas me ta, tu sugjeroj, shkëmbej mendime , informacione për të gjetur se çfarë u pëlqen , në çfarë gustoje dhe niveli të degustimit të verës janë në mënyrë që hap pas hapi të arrijmë të ndryshojmë dhe përmirësojmë shijet.

Ju vini nga një eksperiencë prej disa vitesh në Itali. A ka ndonjë ndryshim mes degustuesve shqiptarë dhe italianë të verës?

Italianët kanë disi më shumë eksperiencë dhe janë më të vështirë për tu këshilluar, ndërsa shqiptarë  janë në hapat e parë dhe janë më të lehtë për tu këshilluar. Ideja është të kuptosh në cilën fazë janë dhe si ti mund t’i futësh në një familje verash më cilësore, por pa i vrarë në xhep dhe pa i cenuar në shije. P.sh, nëse deri dje janë mësuar me një  bazë , nuk mund ti thuash hajde provo shampanjën se është shumë e mirë. Shampanja është shumë e mirë, por ka disa shkallë degustimi që duhen kaluar para se të arrish aty.

Ka një shprehje që e përdor shpesh.‘’ Jeta është shumë e shkurtër që të pish një verë jocilësore’’ . Kështu që pi më pak dhe mëso.

Nga ana tjetër sa i takon shpenzimit shikoj se një pjesë e mirë shpenzojnë shumë , por nuk janë gati për atë që po pinë, nuk e njohin, që do të thotë që këtë potencial klientë duhet ta këshillosh më mirë.

Cila është klientela juaj më tipike?

Këtu tek Kalaja e Tiranës jemi me fat që kemi një portofol shumë të madh klientësh , por targeti më i mirë dhe që janë më shumë frekuentues janë nga mosha 30 deri ne 60 -70 vjeç.

c5cc57b8 bb30 4651 b282 38d4f48481e1 - Histori Suksesi / Memetjon Beqo – Somelieri që solli traditën e verës italiane në qendër të Tiranës

Ata që me të vërtetë janë njohës më të mirë dhe me të cilët ke komoditetin që bisedon dhe i këshillon më mirë janë nga 30 vjeç e sipër. Kjo sigurisht nuk do të thotë që edhe një 18 a 20 vjeçar nuk mund të vij në një ‘wine bar’. Kam hasur se ka edhe shumë të rinj që kanë interes për verën, rrushin, përbërjen e tokës etj dhe kanë interes më shumë të dinë nëse ne në Shqipëri prodhojmë verë cilësorë. Klientët lokalë janë kryesisht nga e hëna në të premten.

Flasim pak për origjinën e verërave? Nga ju vijnë ato kryesisht?

Kryesisht  99% janë italiane sikur e thashë e në fillim se somelierët duhet të specializohen diku e s’mund të njohin gjithë verërat e botës. Kam e disa produkte shqiptare që më pëlqejnë t’i seleksionoj mirë. Zakonisht  nuk marr këto komercialet. Më pëlqen shumë  kantina Balaj. Po ashtu një kantinë e re në Pogradec që po ecën mirë është Çaco, me disa verëra të bardha  të mira. Kokomani që është këtu afër  ka po ashtu verëra cilësore. Mes verërave shqiptare është e kantina Çobo , që është e dhe pjesë e Kalasë, por edhe këtu tek unë e gjeni. Por sa i përket të tjerave i njoh, por nuk i kam bërë ende pjesë të barit tim. Më pëlqen që turisti kur të vij tek mua të gjej diçka të veçantë që nuk e  gjen diku tjetër. P.sh kantina Balaj është shumë e veçantë. Është një produkt që nuk shet shumë në Shqipëri sepse është një produkt natyral, ekstrem nga njëra anë, por shumica e turistëve e kuptojnë, por shqiptarët ende jo. Nga fakti që bën ‘’orange wine’’, një verë e bardhë shumë e rëndë, fermentim i gjatë, ka shumë teknikë brenda dhe ai që e prodhon ka jetuar në Itali dhe gjithmonë ka prodhuar verëra biologjike.

Cila është vera më e mirë apo më karakteristike tek ‘’Filari’’?

Kur pyet një somelier se cila është vera më e mirë , përgjigja është : ‘Ajo që do të pi nesër’. Dhe së dyti, më duhet të them se është pak më personale. Më e mira për mua nuk është  e mirë për tjetrin. Varet se çfarë i pëlqen klientit  dhe në çfarë faze degustimi është ai. Nëse unë jam një fillestar sot për sot më pëlqen një verë bazë. Më vonë kur muskulin e gojës e stërvit, më e mira do të jetë diçka tjetër. Çmimi dhe alkooli apo varieteti nuk ndikon në cilësi. Ekuilibri që ka mishela e rrushit ose si të thuash CUVEE e vinjeteve të  rrushit, ndryshon nga viti në vit. E bukura është që edhe një etiketë mund të ndryshojë nga viti në vit. Gjithmonë më e mira është ajo që na pëlqen ne.

3737cc5f bd72 4872 84a6 78ac80b128a5 300x200 - Histori Suksesi / Memetjon Beqo – Somelieri që solli traditën e verës italiane në qendër të Tiranës

Si ka qenë 2019-ta për ‘’Filarin’’ në terma ekonomike ?

Ka qenë shumë mirë deri në momentin që patëm problemin e  Covid -19 . Viti i parë ka qenë i vështirë në disa aspekte, por pozitiv në bilanc. Biznes-plani i im  ka qenë që të vuaja, por klientela ka qenë e mirë; kemi një portofol klientësh që kthehen çdo javë.  Për vit të parë të një biznesi të ri ka qenë i kënaqshëm. Për 2020 presim ende.

Cila është filozofia juaj për të ardhmen e brand-it?

‘Filari’ është  menduar si brand, jo vetëm si bar, por edhe në komunikim, në shërbim  për sa i përket botës së verës etj. Si emër ka një domethënie të lashtë . Në latinisht do të thotë ‘’rreshta rrushi në fije’’,  ndërsa në greqishten e lashtë do të thotë ‘’fije’’ dhe në shqip ‘’fije ari’’. Që në Antikitet të merresh me vreshtin dhe rrushin ka qenë diçka elitare.

Në të ardhmen  do bëjmë edhe një kuzhinë të ushqimeve që abinohen më mirë me verën, disa pasta, disa antipasta  duke eliminuar të gjitha produktet  që janë shumë të forta. P.sh. pikantja në lokalin tim nuk ka për të hyrë kurrë, sepse e mbulon shumë shijen e verës, apo djathërat shumë të fortë dhe me erëza.

Cilat janë produktet e brand-it ‘Filari’?

Janë shumë të  seleksionuara, sepse mua më pëlqen të jem selektiv në ato që përdor. Që nga ulliri që është si shoqërues, deri tek buka, proshutat dhe djathërat. Ngaqë kam kafe, kam seleksionuar e kafen  në brandin Filari . Unë vij si  barist dhe kam njohje edhe tek kafja, apo edhe bartender dhe sjell disa kokteile klasike  për aperitivët. Çdo gjë është e zgjedhur dhe shumë detajiste. Bashkëpunim bëjmë me ‘’Tabacco Kalaja’’ me disa puro, apo me ‘’ bar Hemingway’’ për  disa distilati, rum dhe uiski,  mundohem të kem një seleksionim të produkteve elitarë edhe për produktet që janë jashtë verës.

9abc9ac3 bc1c 4f6d 9386 8c58b2eb2777 - Histori Suksesi / Memetjon Beqo – Somelieri që solli traditën e verës italiane në qendër të Tiranës

Një hap i rëndësishëm është edhe formimi i stafit. Unë edhe vetë personalisht janë kujdesur të investoj në trajnimin e stafit në mënyrë që shërbimi ndaj klientit të jetë maksimal si edhe  të ketë formimin e duhur për rekomandimet për verërat.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu