Gjermania planifikon zgjidhjen e krizës së koronavirusit gjatë presidencës së BE-së

0
79

Gjermania do të përqëndrohet në zgjidhjen e krizës së koronavirusit gjatë presidencës së saj të radhës të Këshillit të Bashkimit Europian, që fillon më 1 korrik, deklaroi një zëdhënës i qeverisë.

“Ky nuk ishte plani ynë, por pandemia e detyroi Berlinin të rishkruajë programin për mandatin gjashtëmujor”, theksoi Steffen Seibert, pas një video-konference mes kancelares, Angela Merkel dhe zyrtarëve të lartë të Parlamentit Europian.

Dy herë në vit, një shtet i ndryshëm anëtar merr përsipër presidencën e BE-së, duke organizuar takime të nivelit të lartë dhe ndërmjetësim mes vendeve anëtare për të arritur marrëveshje mbi çështje të ndjeshme dhe për të nxitur axhendën e bllokut.

Krahas krizës së vazhdueshme shëndetësore dhe trazirave ekonomike, Gjermania shpreson të adresojë çështjet e marrëdhënieve të ardhshme të Britanisë së Madhe me bllokun, veprimet klimatike dhe sistemin europian të azilit./ ATA

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu